Mon, 21 Oct 2019

Cebuano News: Night flights sa BPIA, gi-aprobahan na sa CAAP

Philippine Information Agency
14 Sep 2019, 18:38 GMT+10

16 oras na. Human makompleto og taud ang mga ground-based navigational equipment, aprobado na sa CAAP ang night operations sa Panglao Bohol Airport taman sa alas 10:00 sa gabii. (rahc/PIA-7/Bohol)

TAGBILARAN CITY, Sept. 4 (PIA) -- Gipahibalo sa Department of Transportation (DOTr) nga gi-aprobahan na sa Civil Aviation Authority of the Philippines (CAAP) nga mahimo na ang night flights sa Bohol-Panglao International Airport (BPIA).

Sugod niadtong Setyembre 1, 2019, gi-uswag na ang operating schedule sa BPIA gikan 12 ka oras (6:00 a.m. - 6:00 p.m.) ngadto na sa 16 ka oras (6:00 a.m.-10:00 p.m.).

Kini nahimong posible pinaagi sa pag-instalar, full calibration, testing ug operationalization sa daghang ground-based navigational equipment, sama sa distance measuring equipment (DME), localizer antenna, ground-based radio navigational aid, ug instrument landing system (ILS).

Kining mga ekipo maghatag og takdo ug sistematikong pagpalupad ug pagpatugpa sa mga abyon.

Kining labing gikinahanglang ground-based system nakita nga dakong tabang sa mga flight operations pinaagi sa pag-komplemento sa napahimutang na nga airport satellite-based navigation system, nga may limitadong kapasidad lamang sa gabii ug mga panghitabong weather disturbances.

Uban sa duha ka navigation systems nga nag-operate na, mas daghang flights na ang mapahiluna sa labing unang "eco-airport" sa nasud.

Ang pagdaghan sa dugang flights, gipaabot nga makapakunhod sa pletehan ug maghatag og dugang travel options ngadto sa katawhan ug mga bisita sa lalawigan sa Bohol.

Si CAAP Director General Jim Sydiongco miingon nga ang extended hours of operation sa BPIA parte sa nagpadayong kaugmaran sa airport paingon sa mas episyenteng operasyon ug optimum utilization sa mga pasilidad niini.

"The more flights we can accommodate, the more benefits we can offer to our air passengers. This has always been the focal guidance of Secretary Art Tugade - to enhance the connectivity, mobility, and comfort of the Filipino people," matud pa ni Sydiongco.

Samtang sa iyang bahin, si DOTr Kalihim Arthur Tugade nipadayag og kadasig sa kalamboan sa BPIA ug nitumbok sa umaabot nga dalang kalamboan niini sa ekonomiya sa Bohol.

"We do not just stop with building airports. We also continuously upgrade them to truly enhance the travel experience of Filipinos. The improvements we made here at BPIA will ultimately impact on regional economic growth and development. That is what our President meant when he told us to give Filipinos a comfortable life," matud pa ni Tugade. (ecb/PIA7-Bohol)

More Michigan News

Access More

Sign up for Michigan State News

a daily newsletter full of things to discuss over drinks.and the great thing is that it's on the house!